Ji bo şehîdên Têkoşîna Azadiya Kurdistanê li Navenda Çanda Kurd a Fransayê Ris Orangisê merasîma bîranînê hat lidarxistin. Çalakiya ku li navendê hat lidarxistin bi taştêya ji bo malbatên şehîdan dest pê kir. Li navendê saet di 14:00 de ji bo şehîdên meha Cotmehê çalakiya bîranînê hat lidarxistin.

Hevseroka CDK-F Xanê Kerboran û li ser navê Saziya Malbatên Şehîdan Welat beşdarî bîranînê bûn.

Bîranîn bi deqeyek rêzgirtina ji bo şehîdan û dirûşmeya “Şehîd namirin” dest pê kir.

Merasîma bîranînê bi beşdariyeke xurt hat lidarxistin. Di çalakiyê de rola şehîdan a di Şerê Rizgariya Neteweya Kurd de û mîrateya wan hatin nîqaşkirin. Di çarçoveya rastiya şehîdan de, pêvajoya siyasî û berpirsyariyên dîrokî hatin vegotin.

Piştî axaftinan sînevîzyona li ser şehîdên vê serdemê û destana lehengiyê ya gerîla hatibû amadekirin hat pêşandan.

Di merasîmê de timî dirûşmeyên "Bijî Serok Apo" û "Şehîd namirin" hatin berzkirin.