Li pêşiya Parlementoya Ewropayê ya li Brukselê ya ku paytexta Belçîkayê ye ji bo rakirina tecrîda li ser Rêberê Gelê Kurd Abdullah Ocalan were rakirin, çalakiyek li dar xistin û bang li saziyên Ewropayê hate kirin ku bila bêdeng nemînin.

Çalakî ji aliyê NAV-BEL’ê hate lidarxistin. Çalakî bi rêzgirtina ji bo şehîdên têkoşîna azadiyê ya Kurdistanê û ji bo cangoriyên qirkirina Ermenan hate destpêkirin.

Di çalakiyê de sloganên ‘Erdoganê qatil’, ‘Duh Hîtler, îro Erdogan’ hate berzkirin.

Di çalakiyê de Hevseroka KCDK-E’yê Fatoş Goksûngûr diyar kir ku çalakger 5 meh in di greva birçîbûnê de ne û bal kişand ser daxwazên çalakgeran. Goksungur bang li YE,PE, KE, CPT û NY kir ku bila li hemberî grevên birçîbûnê bêdeng nemînin.

Hevserokê KONGRA-GEL Remzî Kartal jî di çalakiyê de axivî û diyar kir ku bi grevên birçîbûnê bêdengiya navneteweyî hatiye şikandin û lê saziyên wekî hikumetên Ewropayê û CPT hê jî bêdeng in.

Kartal diyar kir ku heta tecrîd were rakirin wê çalakî bidomin.