Greva birçîbûnê ya Hevseroka KCD'ê û Parlamentera HDP'ê ya Colemêrgê Leyla Guven ku bi rengekî bêdawî û bêdorveger li dijî tecrîdkirina Rêberê Gelê Kurd Abdullah Ocalan dimeşîne, di roja 77'an de ye.

Li bajarê Munchen ê Elmanyayê, Meclîsa Civaka Demokratîk û Meclîsa Jinan a Sara, standa piştgiriyê danîn. Standa agahdarkirinê wê sê rojan vekirî be.

Li standê ku li Marîenplatzê hate danîn wêneyên Leyla Guven hatin daliqandin û li ser tecrîd û komkujiyên ji aliyê dewleta Tirk ve tên kirin agahî hate dayin.

'BILA HER KES TEVLÎ ÇALAKIYAN BIBIN'

Çalakgeran gotin, "Heta ku tecrîdkirina Ocalan bi dawî bibe em ê çalakiyên xwe bidomînin" û bang li her kesî kirin ku tevlî çalakiyan bibin.