Cejna Xidir Nebî Xidir Îlyas ku cejneke Êzidiyan e, li paytexta Rûsya Moskowayê bi tevlîbûna Şêx, Pîr û berpirsên rêxistinên Kurdan hate pîrozkirin.

Pîrozbahî bi deqeyek rêzgirtinê ya ji bo bîranîna cangoriyên Têkoşîna Azadiya Kurdistanê destpê kir.

Piştre Hevserokê Meclîsa Kurd a Moskowayê Eka Qulîxan, Nûnerê Rêveberiya Xweser a Bakur û Rojhilatê Sûriyê ya Rûsyayê Rêşad Bênav, Hevserokê Otonomiya Çandî-Neteweyî ya Federal a Kurdên li Rûsyayê Ferhat Patiyev, Şêx Semend û Pîr Manana axivîn û behsa wateya Cejna Xidir Nebî kirin.

Piştî axaftinan hunermend Alîk stran stirî.

Pîrozbahî bi muzîk û belavkirina xwarin û şêranî bi dawî bû.