Li bajarê Mîlano yê Îtalyayê komploya navneteweyî ya li ser Rêberê Gelê Kurd Abdullah Ocalan bi çalakiyekê hate protestokirin.

Çalakî li Pîazza Scalayê hate lidarxistin, Kurd û dostên wan tevlî çalakiyê bûn. Di çalakiyê de komplo hate şermezarkirin û rola Îtalyayê ya di vê komployê de hate teşhîrkirin.

Çalakgeran diyar kirin ku heta tecrîda li ser Ocalan bi dawî bibe û Ocalan di warê fîzîkî de azad bibe wê çalakiyên wan bidome.

Di çalakiyê de pankarta ‘Azadî ji Ocalan re’ hate vekirin û belavok hatin belavkirin.