Çalakiya greva birçîbûnê ya girtiyên siyasî ya ji bo bidawîkirina tecrîda li ser Rêberê Gelê Kurd Abdullah Ocalan û binpêkirinên li girtîgehan kete roja 32’an.

Li bajarê Koln ê Elmanayê ji bo piştgirîkirina greva birçîbûnê û azadiya Rêberê Gelê Kurd Abdullah Ocalan çalakiyek hate kirin.

Endamên Navenda Civaka Kurd a Demokratîk a Koln û Meclîsa Jinan a Viyan saet 15:00’an li pêşiya gara trenê ya navenda Kolnê hatin ba hev.

Di çalakiyê de posterên Ocalan û pankartên bi zimanê Elmanî li ser ‘Ji Ocalan re azadî’ û ‘Dawî li bêdengiya xwe bînin, piştevaniya grevên birçîbûnê yên li girtîgehan bikin’ hate vekirin.

Di çalakiyê de bê navber dirûşmên daxwaza azadiya Ocalan tên kirin, qîrkirin û belavoka KON-MED’ê hate xwendin.