Endamên Meclisa Jinan a Çîçek Botanê ya li banliyoya Evry a Parîsê, bi mebesta teşhîrkirina êrîşên dewleta Tirk a dagirker û artêşa wê ya ji jêmayên DAIŞ’ê pêkhatî, yên ji 25’ê Mijdarê ve li ser Bakur û Rojhilatê Sûriyeyê bi rê ve dibe, stand vekirin.

Jinan li ser standê behsa Şoreşa Jinan a Rojavayê û armanca êrîşên dewleta Tirk a dagirker ku bi çeteyên cîhadîst re bi rê ve dibe, kirin.

Jinan her wiha broşurên bi Fransî jî belav kirin û gotin: “Em di her derfetê de ji raya giştî ya cîhanê re behsa heqîqeta Rojavayê bikin û bînin ziman ka çima hêzên dagirker dixwazin Şoreşa Rojavayê tune bikin.”