Li bajarê Dûîsbûrg ê Elmanyayê bi pêşengiya Navenda Civaka Demokratîk a Kurd a Dûîsbûrgê bernameya aşûreyê hate çêkirin. 

Endamên Federasyona Demokratîk a Elewiyan Dîdar Ana û Cemal Pîr di bernameyê de gulbang xwendin û piştre û çira şewitandin. 

Piştre muhebet hat kirin û aşûre hate dayîn. Di çalakiyê de bal kişandin ser baweriya Elewiyan, Kerbela û Yas-i Muharremê. 

Axaftvanan bal kişandin ser berxwedan û taybetmendiyên Elewîtiyê ên civakî yên ji derveyî dewlet û desthilatdariyê. Hate diyarkirin ku ji Hallac-i Mansur heta Nesîmî, ji Pîr Sultan Abdal heta Şêx Bedredînan Elewîtî lêgerîna heqîqetê ye û ji bo vê berdelên giran dane. Di berdewamiya axafinan de gotin ku ew ê li hemberî desthildaran wekî Seyît Riza çok nedeynin û bibin derd.

Her wiha di axaftinan de Elewîtî çi ye û çima 12 roj rojî tê girtin vegotin û şehîd hatin bibîranîn.

Piştî axaftinan aşûre bi duayan belavî beşdaran hat kirin.