Li bajarê Bremenê yê Elmanyayê bi sedan Kurd û dostên wan ên ji derdora Hambûrg, Kîel, Lubeck û Oldenbûrgê tevlî çalakiya protestoyê bûn.

Girse li HBF’a Bremenê hatin ba hev û bi qasî deqîqeyekê rêz girtin. Beriya ku meş dest pê bike, hevserokê FED-DEM’ê Saît Bîlgîn axivî û diyar kir ku komploger tu carî bi ser neketin.

Li ser navê Meclîsa Dîasporayê ya Şengalê û NAV-YEK’ê jî axaftin hate kirin û komplo hate şermezarkirin.

Meşa ku ji aliyê NAV-YEK, CÎK, Tevgera Jinên Azad û FED-DEM’ê hate kirin bi mîtînga li pêşiya Parlementoya Bremenê bi dawî bû.

Di çalakiyê de bênavber sloganên ‘Bijî berxwedana Garê’, ‘Bijî Serok Apo’ û ‘Erdoganê terorîst’ hate berzkirin.