Aktîvîstên Tevgera Ciwanên Şoreşger (TCŞ) li bajarê Bordeaûx ê Fransayê, ji bo azadiya fîzîkî ya Rêberê Gelê Kurd Abdullah Ocalan çalakî li dar xistin.

Çalakî bi dirûşma "Li dijî tecrîd, faşîzm û dagirkeriyê: Bi hev re serhildan" li qada Grand Theatreyê pêk hat.

Di çalakiyê de pankarta bi nivîsa "Liberte pour Öcalan – Nest Pas Seul (Azadî ji Ocalan re - Bi tenê nîne)" û posterên Rêberê Gelê Kurd Abdullah Ocalan, ala PKK'ê, alên bi nivîsa "Freedom for Ocalan" hatin hildan û dirûşmên "Dîktator Erdogan", "Assassin Erdogan (Kujer Erdogan)",  "A bas le régime fasciste en Turquie (Bimire rejîma Tirk a faşîst)", "Bijî Serok Apo" û "Bi hev re serhildan" hatin qîrîn.

STÛTTGART

Li bajarê Stûttgartê yê Elmanyayê, ji bo azadiya fîzîkî ya Rêberê Gelê Kurd Abdullah Ocalan çalakiya bêîteatiya sivîl hate lidarxistin.

Di çalakiyê de ku li pêşiya avahiya şaredariyê hate lidarxistin, ciwanan alên PKK, KCK û wêneyê Abdullah Ocalan hildan û dirûşmên bi Elmanî û Kurdî yên "Bijî Serok Apo", "Freiheit für Ocalan - Frieden in Kurdistan" qîriyan.

Ciwanan bi dûyê rengûreng qad xemilandin û diyar kirin ku heta Ocalan bi rengekî fîzîkî azad bibe wê li qadên bin.