Li Berlînê ji bo Leyla Guven çalakî hate lidarxistin
Li paytexta Elmanya Berlînê ji bo piştgirîdayîna Leyla Guven çalakiyek hate lidarxistin.
Li paytexta Elmanya Berlînê ji bo piştgirîdayîna Leyla Guven çalakiyek hate lidarxistin.
Li Berlînê bi pêşengiya jinên Kurd ji bo Leyla Guven a ku ev 76 roj e li dijî tecrîda girankirî ya li ser Rêberê Gelê Kurd Abdullah Ocalan di greva birçîbûnê ya bêdawî-bêdorveger de ye çalakiyekî hucreyî hate lidarxistin.
Çalakî li Brandenbûrger Tor Parîser Platy bi deqîqeyek rêzgirtinê destpê kir. Çalakî ji aliyê Meclîsa Jinan DESTDAN a Berlînê ve hate organîze kirin.
Di çalakiyê de belavok hate xwendin û hate gotin; “Em çalakiya dîrokî ya Leyla Guven a ku ji bo şikandina tecrîda girankirî ya li ser Rêberê Gelê Kurd Abdullah Ocalan û hilweşandina faşîzmê silav dikin.”
Komîteya Amadekar a çalakiyê jî diyar kir ku rewşa Leyla Guven her ku diçe girantir dibe û wiha got; “Mixabin çapemeniya Elman hê jî lîstoka 3 meymûn dileyze. Em li vir bang li wan dikin ku li gorî exlaqê çapemiyê tevbigerin û rûmeta pîşeyê wan libîra wan tînin.”
‘JI BO MIROVAHOYÊ ÎMTIHANEK E’
Di dewama daxuyaniyê de ev peyam hate dayîn;
“Çalakiya Leyla Guven ji bo mirovahiyê îmtihaneke girîng e.
Em bang li hemû mirovahiyê dikin ku xwedî li nirxên mirovahiyê derkevin û teslîmî rejîma Erdogan nebin.”
Çalakiya hucreyê wê li Brandenbûrger Tor Parîser Platz heta dawiya hefteyê bidome.
Roja Şemiyê saet 15:00’an wê li Bernaûer Str meşek were lidarxistin.