Li dijî tecrîda li ser Rêberê Gelê Kurd Abdullah Ocalan û zilma li girtîgehan li Berlînê çalakiya nobedê hatibû destpêkirin. Çalakî di roja 9’an de didome.

ATÎK, CÎK, Meclîsa Jinan a Dest-Dan’ê, Meclîsa Kurdistaniyên Azad a Berlînê, Komeleya Rojava ya Berlînê, Meclîsa Jinên Êzidî jî piştgirî dan rûniştina îro.

Endamê CÎK’ê û meleyê Camiya Mezopotamyayê bal kişand ser greva birçîbûnê ya ku girtiyan li dijî tecrîdê dane destpêkirin û got, “Heta ku mazlûm nebin yek û li dijî zaliman tênekoşin ew jî ji zilma zaliman berpirsyar in.”

Hevserokê KON-MED’ê Tahir Koçer jî çalakiya greva birçîbûnê silav kir û got ku “Ji Mazlûm Dogan heta Hayrî Dûrmûş û Kemal Pir têkoşîn domiya. Em îro xwedî li berxwedana greva birçîbûnê ya rêhevalên Mazlûm, Ferhat, Necmî û Kemalan derdikevin.”

Parlementerê Eyaleta Dîe Lînkeyê Hakan Taş jî diyar kir ku divê girtiyên siyasî yên li girtîgehên Tirkiyeyê serbest werin bernda û got, “Li dijî dîktatoriya Erdogan divê em em bi hev re têbikoşin û daxwazên girtiyan bi dengekî bilind bidin bihîstin.”