Di çarçoveya pêngava ‘Bes e ji tecrîd, faşîzim û dagirkeriyê re; dem dema azadiyê ye’ Kurdistaniyan li bajarê Aaraû ya Swîsreyê daxwaza azadiya Rêberê Gelê Kurd Abdullah Ocalan kirin.

Çalakî li ser banga Meclîsa Jinan a Rojbîn li Bahnhofplatzê hate kirin. Çalakî bi deqeyek rêzgirtinê destpê kir û piştre jî aktivîsta jin a Kurd Asîmî Engîn axivî û dîroka Komploya Navneteweyî ya 15’ê Sibatê û pêvajoya îro komplo didome bi Elmanî û Tirkî vegot.

Hevserokê Navenda Civaka Kurd a Demokratîk a Swîsre (CDK-S) Alî Şîmşek jî axivî û diyar kir ku ji bo daxwazên girtiyan bigihînin raya giştî ya cîhanê ew ê li her derê çalakiyan bidomînin.

Şîmşek destnîşan kir ku dagirkerî, qetlîam û tecrîd 22 sal in didome û got: “Hêza ku em ji Rêbertiya xwe û dîsa dînamîka serketinê ya em ji serketina gerîla ya ji  Garê digirin, serketinê pêk bînin û Rêbertiya xwe azad bikin.”

Piştî axaftinan û şûnde dirûşmên xwedîderketina li pêngavê hatin qîrkirin.