Kongreya Netewî ya Kurdistanê (KNK) ji bo ku li dijî êrîşên dagirker ên dewleta Tirk ên li ser Başûrê Kurdistanê û Rojava helwestê diyar bike organîzasyonên siyasî yên Kurd û derdoran tîne cem hev.
KNK ya bi navvenda Brûkselê ji bo ku helwesta netewî diyar bike Şemiyê saeta 10.30'an li Kuluba Çapemeniyê ya Brûkselê wê civînekê li dar bixe.
Civîn tevahiya rojê wê bidome û tê payin ji 100'î zêdetir kes beşdar bibe. Nûnerên partî û rêxistin û rêxistinên civaka sivîl ji çar parçeyên Kurdistanê wê hazir bin û hewl bidin li dijî dagirkeriya Tirk helwesta xwe bikin yek.
Tê gotin hedefa civînê ew e ku bi tevlêbûn û desteka hemû pêkhateyan belgeya helwesta netewî were ragihandin. Di ser înernetê de civîn bi zindî wê bikaribe were temaşekirin.
