Bi armanca balê bikişînin ser rewşa tenduristiyê ya Hevseroka KCD’ê Leyla Guven a ji bo şikandina tecrîda giran a li ser Rêberê Gelê Kurd Abdullah Ocalan ku ev 72 roj in di greva birçîbûnê ya bêdawî û bêdorveger de ye Kurdên li Den Haagê daketin qadan.

Kurdistaniyên li bajarê Den Haag ê Hollandayê li ser banga lezgîn a KCDK-E û TJK-E’yê daketin qadan.

Bi dirûşmên ‘Daxwazên Leyla Guven daxwazên me ne’ saet 17:00’an li stasyona Trenê ya Navendê çalakiyek hate kirin.

Girseyê dirûşmên ‘Deng bide dengê Leyla Guven’, ‘Ji Ocalan re azadî’ û ‘Niha tecrîdê rakin’ qîr kirin.