Endamên Navenda Çanda Kurdistanê ji bo yek ji damezirînera PKK’ê Sakîne Cansiz, nûnera KNK’ê ya Parîsê Fîdan Dogan û endama tevgera ciwanan Leyla Şaylemez ku 9’ê Çileya 2013’an hatibûn qetilkirin, bi daxwaza edaletê çûn pêşiya Konsolosxaneya Fransayê.

Li pêşiya avahiya konsolosxaneyê li ser navê Navenda Çand û Tevgera Jinên Kurd axaftin hatin kirin.

Di axaftinan de bal hate kişandin li ser rolê dewleta Fransa a di komkujiyê de û daxwaz hate kirin ku kesên fermana komkujiyê dayîne bê dîtin û werin darizandin.

Dosyaya ku agahî û daxwazên têkildarî komkujiya ku ji aliyê rejîma AKP’ê ve hatî kirin ji bo konsolosxaneyê hate dayîn. Di dosyayê de pêvajoya dozê û belgeyên têkildarî rolê MÎT’ê yê di komkujiyê de cih digire.