Bi krîtîkbûna rewşa çalakvanên grevên birçîbûnê yên ji bo şikandina tecrîda giran a li ser Rêberê Gelê Kurd Abdullah Ocalan, Kurdistaniyên li Ewropayê dijîn daketin qadan.

Kurdistaniyên bi rojan in li Swîsreyê li qadan in, îro jî li Raûthaûseplatez a Zurihê daketin qadan û bi pankartên ‘Dem dema şikandina tecrîdê ye’, ‘Serî hilde’, ‘Leyla Guven rûmeta me ye’ û ‘Ji Ocalan re azadî’ heta Werdmuhleplatzê meşiyan û bi yek dengî dirûşmên ‘Bijî Berxwedana Zindanna’ li dijî dewleta Tirk hêrsa xwe anîn ziman.

BÊDENG NEMÎNIN!

Meşa ku alên PKK’ê û posterên Ocalan hate hildan jinan pêşengtî kir û nerazîbûn nîşanî hêzên navneteweyî yên li dijî berxwedana grevên birçîbûnê bêdengin da.

Di meşê de hêrsa ciwanên Kurd a li dijî dewleta Tirk bal kiand, ciwanan bi yek dengî bi dirûşmên peyama ‘Dem dema şikandina tecrîdê û serî hildanê ye’ dan, banga her kes dakevin qadan kirin.

ALLAK: DEM DEMÊ MEZINKIRINA BERXWEDANÊ YE

Piştî meşê Hevserokê Navenda Civaka Demokratîk a Kurdistan a Swîsreyê Cûma Allak ê di mîtîng de axivî diyar kir ku rewşa berxwedêrên grevê gihiştiye astekî kirîk, bang li Kurdistanî û dostên wan ên li Ewropayê dijîn kir ku dakevin qadan Allak got: “Gelê Kurd wê bi berxwedanê faşîzmê têk bibe. Ya girîng di vê demê de her kes erkê bikeve ser milan bike ye. Xwedî li Rêber Apo û berxwedêrên grevan derbikevin. Berxwedana gelê Kurd wê Rêbertiya xwe azad bike. A girîng ê îro dibêje ez welatparêz, sosyalîst û Kurd im her kes dakevin qadan.”

Piştî axaftinan û şûnde mîtîng bi dirûşma ‘Ji Oacalan re azadî’ bi dawî bû.