Di 8’ê Adara 2015’an de şervana enternasyonalîst Îvana Hoffman li bajarê Til Temir ê Rojava di şerê li dijî DAÎŞ’ê de şehîd bûbû. Festîvala 5’emîn a ji bo bîranîna Hoffman hate lidarxistin.

Festîvala bi dirûşmeya ‘Ji Dûîsbûrgê heta Rojava bijî têkoşîna antî-faşîst’ hate lidarxistin.

Festîval duh bi panelekê hate destpêkirin. Îro jî saet di 13.00’an de ji pêşiya Gara Trênê ya Dûîsbûrgê meşek hate kirin.

Polîsên Elmanyayê hewl dan ku flamayên YPG û YPJ’ê berhev bikin lê girseyê destûr neda polîsan.

Festîvalê saet di 15.00’an de bi konsera komên ji Efrîka, Elman û Kurdan domiya.

Di axaftinên festîvalê de bal hate kişandin ser têkoşîna Îvana Hoffman û hevalên wê.

Piştî axaftinan Agirê Jiyan, Thawra, Zeynîk û Dûo Aryemîsa derketin ser dikê û bi stranê komên Kurdî û neteweyên din govend hate gerandin.