Li Kopenhagê ya ku paytexta Danîmarkayê ye çalakî hate lidarxistin. Di çalakiyê de hate diyarkirin ku armanca dewleta Tirk ev e ku Kurdan qir bike û rê li ber statuya wan bigire.

HELSÎNKÎ

Li Helsînkî jî Kurdan dewleta Tirk protesto kirin. Partî û rêxistinên Fînlandiyayê jî piştgirî dan çalakiyê.

MARSÎLYA

Li bajarê Marsîlyayê yê Fransayê jî Kurd bi ruhê seferberiyê daketin qadan. Îro saet di 13.00’an de nêzî 2 hezar kes li Qada Canebîereyê hatin ba hev û meşiyan. Di çalakiyê de banga xwedîlêderketina çalakiyê hate kirin.

BERLÎN

Kurdistaniyên li pêşiya parlementoya Federal a paytexta Elmanya Berlînê hatin ba hev, bi mîtîngekê êrîşên dagirkeriyê protestokirin. Kurdistaniyan li gel dostên xwe yên Elman heta navçeya Kreûzbergê meşiyan.

 FRANKFÛRT

Li bajarê Frankfûrtê yê Elmanyayê jî Kurd û dostên wan êrîşên dewleta Tirk protesto kirin. Bi sedan kes li pêşiya Konsolosxaneya Tirkiyeyê hatin ba hev û heta Gara Trênê ya Frankfûrtê meşiyan.

ADIGEY

Li bajarê Adigeyê yê Rûsyayê jî bi çalakiyekê operasyona dewleta Tirk a dagirker hate protestokirin.  Di protestoyê diyarkirin ku hemû kesên li hemberî vê êrîşê bêdeng in, ew jî şirîkê vê qetlîamê ne.

LÎEGE

Li bajrê Lîege yê Belçîkayê jî Kurdan êrîşên dewleta Tirk a dagirker protesto kirin. Di çalakiyê de sloganên ji bo berxwedana YPG û YPJ’ê hate berzkirin.