Li bajarê Berlînê yê Elmanyayê ji bo Kawa Çekdar (Îbrahîm Demîr) ku di Tebaxa 2023’yan de li Qadên Parastinê yên Medyayê şehîd bû û Rodî Berçem (Emrecan Şahîn) ku di Kanûna 2021’an de şehîd bû, merasîma bîranînê hat lidarxistin.

Merasîma bîranînê bi pêşengiya Meclîsa Jinan a Dest Dan û Berlîn Nav li avahiya Navenda Civaka Demokratîk a Kurd pêk hat. Merasîm di şexsê berxwedêrê 14’ê Tîrmehê Alî Çîçek ku 17’ê Îlona 1982’yan de roja 67’an de şehîd bû de , ji bo hemû şehîdên şoreşê deqeyek rêzgirtinê destpê kir. Li ser navê Komîsyona Malbatên Şehîdan Dayê Gozê axivî û wiha got: “Divê em xwedî li şehîdên xwe derkevin. Dayikên şehîdan tevkariya hev bikin û têkoşînê bilind bikin.”

Siyasetmedar Selahattîn Mete jî li ser êrîşên dagirkerî û qirkirinê rawestiya û ev tişt anî ziman: “Dijmin dixwaze hêviyên me bişkîne û me bênefes bihêle. Lê berxwedana 50 salan ji gelê me re bû hêvî û roj bi roj bi rêxistinkirinê ji dijmin re dibin bersiv.”

Merasîma bîranînê bi pêşandana sînevîzyonê û berzkirina dirûşma “Şehîd namirin” bi dawî bû.