Hevserokê FCK’ê Saît Ozturk, Fîlîz Çakalli, Martîn Wûnderlîch û siyasetmedarê Kurd Îmam Canpolat bi Parlamentera Partiya Eyaleta Stûttgartê Josha Frey re civiyan. Di civînê de bêdengiya li dijî êrîşên dagirkeriyê yên dewleta Tirk hate rexnekirin.
Hevserokê FCK’ê Saît Ozturk têkildarî civînê agahî da û helwesta Elmanya û bêdengiya Yekîtiya Ewropayê ya li beramberî êrîşên dewleta Tirk a dagirker ên li di çarçoveya êrîşên “qedandina Kurdan” ên li ser Rojava û Başûrê Kurdistanê de rexne kir.
Di civînê de hate diyar kirin ku dewleta Tirk a dagirker ku piştgiriya DAÎŞ’ê dike ji vê bêdengiyê sûdê digre, êrîşan dike û hate gotin; “Wê demê pêş ji bo Ewropayê bibe gefeke mezin.”
Li aliyê din di civînê de hate gotin ku zextên hikûmeta Elman ên li dijî saziyên Kurd û bi krîmînalîzekirina Kurdan, ji mafên wan bêpar hatine hiştin.
Ozturk diyar kir ku di civînê de qala qirkirina çandî ya li dijî çanda Kurdan jî hatiye kirin.
