Aktîvîstên Tevgera Ciwanên Şoreşger, doh êvarê li paytexta Fransa Parîsê daketin qadan û ji bo tecrîdê şermezar bikin û piştgiriyê bidin çalakiyên greva birçîbûnê meşiyan.

Ciwanan berxwedêrên greva birçîbûnê silav kirin û diyar kirin ku daxwaza berxwedêrên greva birçîbûnê daxwaza wan e.

Ciwan li Strasboûrg-Saînt Denîsê li hev civiyan, tîşortên ji wêneyê Ocalan li xwe kirin, alên KCK, PKK û KJK'ê hildan û pankarta bi nivîsa "Dewleta Tirk ji Kurdistanê bicehime" vekirin.

Ciwanan berê xwe dan Chateletê û di dema meşê de belavokên li ser tecrîdê belav kirin, dirûşmên "Bijî berxwedana zindanan", "Bijî Serok Apo", "Leyla Guven rûmeta me ye" û "Ciwan canfedayên Apo ne" qîriyan.

Piştî çalakiya bêîteatiya sivîl a li navenda bajêr, ciwanan bi qîrîna dirûşm û tilîliyan dawî li çalakiya xwe anîn.