Li Stûttgartê ciwan li taxa Freûrsee li hev kom bûn û ji bo agahiyê ji Rêberê Gelê Kurd Abdullah Ocalan werbigirin çalakiya bêîteatiya sivîl kirin. Ciwanan piştî daxuyaniyeke kurt rê li trafîkê girtin.

Ciwanan di çalakiyê de dûyê bi reng bi kar anîn û alên PKK, KCK û wêneyekî mezin ê Rêberê Gelê Kurd Abdullah Ocalan hildan.

Di çalakiyê de dirûşma "Bijî Serok Apo" hate qîrîn û ciwanan diyar kirin ku heta agahiyê ji Rêberê Gelê Kurd werbigirin wê li qadan bin.

DORTMÛND

Çalakiya bi heman armancê ji aliyê aktîvîstên TÊKO-JIN, TCŞ û TJK-E ve li bajarê Dortmûndê hate lidarxistin.

Di çalakiyê de pankarta bi nivîsa "Azadî ji Abdullah Ocalan re" ya bi zimanê Elmanî hate hildan û têkildarî rewşa Rêberê Gelê Kurd Abdullah Ocalan raya giştî hate agahdarkirin.

Di çalakiyê de tim û tim dirûşmên" Bijî Serok Apo", "Bê Serok jiyan nabe", "Es Lebe Ocalan" hatin qîrîn.