Polîtîkaya zext û dorpêçkirinê ya hikumeta Iraqê ya li ser Kampa Penaberan a Şehîd Rustem Cûdî ya Mexmûrê li bajarê Winterthur ê Swîsreyê bi çalakiyekê hate şermezarkirin.

Bi banga Navenda Civaka Kurd a Demokratîk a Winterthurê girseya gel li ber strasyona trenê ya navendî li hev kom bû û kiryarên li derveyî mirovahiyê yên hikumeta Iraqê yên li ser Mexmûrê şermezar kir.

Di daxuyaniyê de berxwedana gelê Mexmûrê hate silavkirin û bang li raya giştî ya navneteweyî hate kirin ku dawî li bêdengiya xwe bîne. Di daxuyaniyê de her wiha ji hikumeta Iraqê jî hate xwestin ku zext û dorpêça li ser Mexmûrê tavilê bi dawî bike.

Çalakî piştî xwendina metna çapemeniyê ya bi Elmanî bi dawî bû.