Gerîlayên HPG’ê Axîn Cûdî (Halîme Kaya), Dilovan Avzem (Mehmet Înan Mîntaş), Zozan Rûken (Çîgdem Kurt) û Avzem Cûdî (Azîme Kabûl) yên di 29’ê Cotmeha 2024’an de li Heftanînê şehîd bûbûn, li Zurihê hatin bibîranîn. Bîranîn bi pêşengiya KOMAV û malbata Axîn Cûdî ve hat lidarxistin.

Bîranîn bi rêzgirtina ji bo giyanê şehîdan dest pê kir. Di bîranînê de ewilî li ser navê KOMAV’ê Mûstafa Karahan axivî û got: “Em di pêvajoyek girîng re derbas dibin. Bi banga Rêber Apo re em ketin serdemek nû. Em ê xwedî li pêvajoyê derkevin û bîranînên şehîdên xwe bidin jiyîn.”

Malbata Axîn Cûdî jî axaftinek kurt kir û got: “Em ê xwedî li têkoşîna şehîdên xwe derkevin.”

Di bîranînê de nivîskar Sefkan Kobanê jî axivî û sersaxî ji malbatên şehîdan re xwest. Kobanê anî ziman ku dema em dibêjin “Jina azad” ev bi saya têkoşîna Şehîd Axîn e.

Piştî axaftina li ser têkoşîn û jiyana şehîdan sînevîzyon hat pêşandan. Bîranîn bi dirûşmeyên “Şehîd namirin” bi dawî bû.

Malbata Axîn Cûdî heta saetên şevê sersaxî qebûl kirin.