Li paytexta Norwêc Osloyê, çalakiyên 'Dema wê ye, azadî ji Ocalan re' bi pêşengiya UNG-KURD û NCDK'ê li qada Egertorgetê dest pê kir.

Li binê konê çalakiyê posterên Rêberê Gelê Kurd Abdullah Ocalan hatin hildan.

Di çarçoveya çalakiyê de li 'Pirtûkxaneya Rêbertî' bi zimanên Norwêcî û Îngilîzî raya giştî hate agahdarkirin.

Stant bi parêzname, pirtûk û broşurên Rêberê Gelê Kurd Abdullah Ocalan hate xemilandin, aktîvîstan jî têkildarî komploya navneteweyî bi Norwêcî mirovên li derdorê agahdar kirin.

Ciwanên Partiya Sor a Norwêcê Rod Ungdomê jî piştgirî da çalakiyê. Sekreterê Giştî yê Rod Ungdomê Sîgrîd Grûndt Leîne diyar kir ku ew bi Kurdan re ne.

'JI BO RÊBER APO EM Ê LI QADAN BIN'

Bi navê Ung-Kurd Rozerîn Algunerhan axivî û got, "Felsefe û paradîgmaya Rêber Apo ya ji bo aştî, demokrasiya li Kurdistanê û cîhanê û azadiya jinê li pêş çavan e. Ji bo Rêber Apo em ê timî li qadan bin. Ji bo tevlîbûna li kampanya îmzeyan a ji bo Neteweyên Yekbûyî bang dikim."

Ariyen Rojhilat ê ji Rojhilatê Kurdistanê jî bal kişand ser girîngiya çalakiyê.

Li Norwêcê wê her roj stand û pirtûkxaneya Rêbertî dewam bike. Roja Şemiyê jî wê meşeke dirêj bê lidarxistin. Meş wê ji ber NCDK'ê dest pê bike.

Roja Duşemê wê li navenda Osloyê û tevahiya Norwêcê çalakî hebin.