Çalakgerên greva birçîbûnê li PE'yê dîplomasiyê dikin
Çalakgerên greva birçîbûnê ya Strasboûrgê di roja 30'î ya çalakiyê de bi parlamenterên PE'yê re hev dîtin.
Çalakgerên greva birçîbûnê ya Strasboûrgê di roja 30'î ya çalakiyê de bi parlamenterên PE'yê re hev dîtin.
Çalakgerên greva birçîbûnê Duşemê û Seşemê bi gelek parlamenterên PE'yê re hatin cem hev û destek xwestin.
Çalakgerên greva birçîbûnê ya Strasboûrgê Parlamentera HDP'ê Dîlek Ocalan û Hevserokê KCDK-E'yê Yuksel Koç, ku 14'ê Kanûnê ib 14 hevalên xwe re li dijî tecrîda li ser Rêberê Gelê Kurd Abdullah Ocalan dest bi greva birçîbûnê kirin, Duşemê bi Endama Partiya Keskan a Elman Rebecca Harms re rûniştin. Di hevdîtinan de yek ji nûnerê HDP'ê yê Ewropayê Faruk Dora jî hazir bû.
LI DIJÎ TECRÎDÊ BERPIRSYARÎ HATE BIBÎRXISTIN
Ocalan û Koç têkilî greva birçîbûnê ya Leyla Guven a ku kete roja 60'î û têkiliya greva birçîbûnê ya xwe û hevalên xwe ku kete roja 30'î agahdarî dane û gotin tecrîda li ser Ocalan tê maneya binpêkirina rêgezên navnetewî yên hiqûqê.
Çalakgeran gotin CPT li dijî tecrîda li ser Ocalan bi peywira xwe ranebûne û gotin welatên Ewropî û saziyên wan hewl bidin ev ê girîng be.
Ocalan û Koç diyar kirin rewşa tenduristiyê ya Guven di qonaxeke kritîk de ye û gotin, heta ku tecrîd bi temamî rabe ew ê çalakiya xwe bidomînin.
HARMS: JI BO GREVÊN BRIÇÎBÛNÊ EZ Ê HEWL BIDIM
Harms got ew fêhm dike ku Kurd li dijî tecrîdê grevên birçîbûnê dikin û got tecrîda li ser Ocalan nayê qebûlkirin.
Harms bal kişande ser rola Ocalan a di pêvajoyên çareseriyê de û got, pêvajoya aştiyê ji bo muzakereyên Tirkiyê û YE'yê girîng e.
Harms her wiha diyar kir Erogan li gel hemû zextan jî helwsta xwe naguherîne , li gel gavên dij demokratîk jî dixwaze ku muzakereyên bi YE'yê re bidomin lê ev ê neyê qebûlkirin.
Çalakgeran li gel Harms her wiha bi parlamenterê Kataln Josep Marîa Terrîcabras, Jordî Sole, ê Elman Hans-Olaf Henkel, Pascal Durand û Takîs Hadjîgeorgîou re rûniştin.
Di hevdîtinan de hemû parlamenteran bal kişandin ser hewldanên Ocalan ên ji bo aştiyê û gotin, tecrîd li derveyî rêgezên navnetewî yên hiqûqê ye.
Her wiha yek ji nûnerê HDP'ê yê Ewropayê Fayik Yagizay got gelek hevdîtin bi parlamenterên PE'yê re hene û wê bidomin.