Yilmaz Guney di 31. salvegera mirina xwe de li Goristana Pere La Chaise ya Parîsê li ser gora xwe hat bîranîn. Di bîranîna ku ATÎK, ACTÎT, FDHF, ODAK, Alinterî, Bîr-Kar, DÎDF, Konseya Demokratîk a Kurd a Fransa rêxistin kir gelek Kurdistanî û Tirkiyeyî amade bûn.

Di bîranîna ku bi rêzgirtinê destpê kir li ser navê saziyan daxuyaniya hevpar hat dayîn. Di daxuyaniyê de behsa xebat, wesf û pratîka Guney hat kirin. Di daxuyaniyê de behsa kesayeta şoreşgerî ya Guney jî ku hat kirin û hat diyarkirin ku rêya herî mezin a bîranîna Guney xwedîderketina li nirxên wî ye.

Piştî daxuyaniyê helbest û stran hatin gotin.