Yakûp Sînbag (Cenfeda) û Suleyman Guleç (Soro) yên di berxwedana li hember êrîşên faşîst ên hikûmeta AKP’ê de li Farqînê şehîd ketin, li Navenda Civaka Demokratîk a Les Mureaux a li herêma Normandie ya Fransa bi merasîmekê hatin bîranîn.
Merasîma bîranînê bi tevlîbûna xizmên şehîdan û Kurdistaniyan pêk hat, ji bo şehîdên têkoşîna azadiyê bi deqeyek rêzgirtinê destpê kir.
Hayrî Ûlûdag ê li ser navê Komîteya Malbatên Şehîdan axivî got: "Şerê ku hikûmeta faşîst a AKP’ê li hember xwerêveberiyên Bakurê Kurdistanê da destpêkirin, bi awayekî sîstematîk bi qedexeyên derketina kolanan didomin. Hikûmeta AKP’ê armanc dike bi van polîtîkayên dagirker gelê Kurd biçewisîne û gelê herêmê bîne xeta xwe. Ev polîtîka bi berxwedana awarte ya gelê Kurd vala hatin derxistin. Em kesên di vê berxwedanê de şehîd ketim bi rêz bibîr tînin.”
Bîranîn bi dirûşma “Şehîd namirin” bi dawî bû.
