Nerazîbûnên li hember Komkujiya Pirsûsê didomin. Gelek rêxistinên ku daxuyaniyên nivîskî weşandin komkujî lanet kirin.

Koordînasyona Komalen Ciwan a Ewropayê di daxuyaniya xwe de bang li ciwanên Kurdistanê kir ku parastina xwe pêş bixin û got: “Li hember vê êrîşa nemerd em bang li ciwanên Kurdistanî û mirovên ji têkoşîna mirovatiyê bawer in dikin ku hesab bipirsin.

Ji bo ciwanan dema serhildan û hesabpirsînê ye. Em bang dikin ku berê xwe bidin çiyayên azad, li hember dijmin rêxistinbûna xwe pêş bixiin û hesabê komkujiyan bipirsin. Roj roja yekîtiyê ye. Roj roja hesabpirsîna ji AKP’ê û nemerdan e.”

Konfederasyona Mafên Demokratîk a Ewropayê jî di daxuyaniya xwe de Komkujiya Pirsûsê şermezar kir û got: “Erê kesên îradeya Kurdan û diyarkirina wan a qedera xwe qebûl nakin, kesên rêveberiya hevpar a gelan li Rojava hezm nakin hevkarên vê êrîşê ne.”