Di peyama nivîskî de Cejna Akîtû hat pîrozkirin û hat gotin, "Yek ji cejnên herî kevn ên dîroka Mezopotamyayê 1'ê Nîsanê, li qada civakî û çandî xwedî girîngiyeke mezin bû. Lê belê ji ber êrîşên hêzên cuda yên li hemberî gel û nirxên me,  xisareke giran rû da. Lewma Cejna Akîtû ji coşa xwe ya berê, ji pêşwazîkirina xwezaya ji nû ve zindî dibe, ji çalakiyên mîna festîvalê yên li Mezopotamya û Rojhilata Navîn, ji bedewiya xwe bêpar maey. Cejna 1'ê Nîsanê di rewşa heyî de mîna gelê me ji hev belav bûye, bê statu maye û mîna rastiyeke girîngiya xwe winda kiriye. Ji ber ku Cejna 1'ê Nîsanê ji cewhera xwe hat dûrxistin, rastiya wê hat berevajîkirin û xistine rewşeke pêkenokiyê."

'YÊ LI BER XWE NEDE NIKARE BI SER KEVE'

Di dewama peyamê de hat ragihandin, ku ji ber parçebûna gelê Suryanî (Asûrî-Keldanî-Aramî) û zexta hêzên serdest, bi sedan sal in nikare ti cejneke xwe bi awayekî azad pîroz bike û hat gotin destnîşankirin, ku ti têkoşîneke xwedî li dîroka gelê xwe dernekeve û li dijî dîktator û çeteyê faşîst tênakoşin, temsîla gelê wan nake û nikare bi ser keve.

Di dawiya peyamê de hat gotin, "Li welat û derveyî welat em bang li her kesî dikin ku xwedî li Cejna Akîtû 1'ê Nîsanê derkevin, tevlî çalakiyan bibin û ji bo yekîtiya neteweyî gavê bavêjin."