Midûriyeta Şaxê Sporê ya Serokatiya Daîreya Xizmetên Civakî ya Şaredariya Bajarê Mezin a Amedê, ji bo zarokên li Taxa Hasirli ya navçeya Sûrê ketin bin bandora şer û pevçûnan, şahiyên xwe yên sporê dewam dike. Rawestgeha duh a Şahiyên Sporê, Kolana Haci Mahmût a Taxa Hasirli bû. Ekîbên Midûriyeta Şaxê Sporê kolana lê şahî bê lidarxistin, danê sibehê li çûn û hatinê girtin.

Ekîban qada tambolîn, mînî futbol, korta tenîsê ya mînî û mînî golf çêkirin. Zarokên bi vê hesiyan, di destpêkê de rûyê xwe boyax kirin, dûre li bisîkletan siwar bûn, li qada rambolîn, tenîs, golf û futbolê kêliyên xweş bi hev re derbas kirin.

Di Şahiyên Sporê de Endamên Komuna Sporvanên Ciwanên Azad ên Komeleya Xwendekarên Zanîngeha Dîcleyê û xwendekarên Dibistana Bilind a Perwerdeya Bedenê, bi dildarî wezîfeyê dikin.