Duh bi şev li hember Navenda Civaka Demokratîk a Kolnê ji aliyê kes an jî kesên nasnameya wan ne diyar êrîş pêk hat. Êrîşkaran camên komeleyê şikandin.

Li bajarê Kolnê yê Elmanyayê di demên dawî de li hember Kurdan û komeleyên wan ku êrîş pêk tên, duh bi şev li hember Navenda Civaka Demokratîk a Kurd êrîşeke din pêk hat. 

Rêveberên Navenda Civaka Demokratîk ji rayedarên Elman xwestin ku tavilê êrîşê ronî bikin. Di êrîşê de camên komeleyê hatin şikandin. Polîsên hatin cihê bûyerê lêkolîn kirin.

Navenda Civaka Demokratîk a Kurd mehên bihurî jî rastî komeke faşîstên Tirk hatibû.