Li Ekvadorê zanîngehekê 6'ê Kanûnê ragihand ku wan celebekî nû yê dînozoran dîtine.

Navê Yamansaurus Lojaensîs lî dînozor kirin, ku nav ji navê jîgeha ku lê hatî keşfkirin Yamanê û ji bajarê Lojayê ku dînozor lê hate nasandin, hate dariştin. Yamanê ya li başûrê welêt, 50 kîlometre dûrî sînorê Perûyê ye.

Yek ji berpirsê zanîngeha teknîk a taybet a Lojayê Juan Pablo Suarez got tîmeke Arjantînî û Ekvadorî bi hev re ev keşf kirine û ev dînozorê pêşî yê Ekvadorê ye.

Her çendî hemû parçeyên qaqûtê dînozor nehatibe dîtin jî, lêkolîneran hestiyê qorikê, movikên dûvik, hestiyê mil û pêşmil, hestiyê paqê dîtin. Bi van keşfan gihanne wê encamê ku hestiyên dînozor kurt û stûr in, bi qasî 6 metroyan dirêj e û bi zirxekî xweparastinê ye.

Ji fosîlên ku derxistine holê tê texmînkirin ku dînozor ji celebên wan dînozoran serdema Kretase ye, ku beriya bi 65-85 milyon salî jiyane. Ji van re tê gotin beriya ku biqelihin ew dînozorên dawî ne.