Her sal li Parlementoya Brîtanyayê resepsiyona Newrozê tê lidarxistin. Îsal jî 65 parlementer beşdar bûn ku ên ku serokê mûxalefeta sereke Jeremyy Corbyn jî di nav wan de cih digirt . 7 endamên kamaraya lordan, gelek şaredar û bi sedan kes tevlî resepsiyonê bûn.

Resepsiyona Newrozê bi piştgiriya Centre for Kurdîsh Progress, AKEE û Meclîsa Gelê Kurd hate lidarxistin.

Serokê Partiya Karkeran Jeremy Corbyn xelata serkeftinê da Hevseroka Meclîsa Gelê Kurd a Brîtanyayê Besîme Başar.

Başar di resepsiyonê de axaftineke kurt kir û diyar kir ku ew li ser navê hevalên xwe jî vê xelatê distîne. Başar bal kişand ser vî tiştî ku ew gelekî serbilind e ku Kurdên li Brîtanyayê gelek xebatên baş dikin.