Pêngava 15’ê Tebaxê li Hollanda û Fransa hatin pîrozkirin. Di pîrozbahiyan de banga pêşxistina têkoşînê hat kirin.

AMSTERDAM

Li Amsterdam a paytexta Hollanda, girseya ji Kurdistanî, Tirkiyeyî û Hollandayiyan pêk dihat, li ber Navenda Civaka Demokratîk a Amsterdam hatin gel hev û 15’ê Tebaxê pîroz kirin.

Hevserokê navendê  Engîn Yurtsever di axaftina xwe de bal kişand ku têkoşîna bi komeke biçûk destpê kir îro gihiştiye mîlyonan.

Huseyîn Denîz jî bal kişand ser wezîfe û berpirsyartiya ku Pêngava 15’ê Tebaxê daniye ser milê gel û diyar kir ku divê mirov hê zêdetir bixebite.

RENNES

15’ê Tebaxê li bajarê Rennes ê Rojavayê Fransa hat pîrozkirin.

Salvegera Pêngava 15’ê Tebaxê ji aliyê Kurdistaniyên li bajarê Rennes ê Rojavaye Fransa dijîn bi meşekê hat pîrozkirin.

Kurdistaniyên li ser banga Navenda Civaka Demokratîk a Rennes û Tevgera Jinên Kurd a Rennes hatin gel hev, ji Qada Trois Soleil heta Qada Place de la Mairie bi dirûşm û meşaleyan meşiyan.

Di tevahiya meşê de posterê mezin ê Fermandar Egîd (Mahsûm Korkmaz) hat hilgirtin. Nûnerên Navenda Civaka Demokratîk a Rennes û Tevgera Jinên Kurd a Rennes  têkildarî wate û girîngiya rojê axivîn. Piştî axaftinê çalakî bi dawî bû.