Li Şirnexê agirê ku di bin kontrola dewletê de bi daristanan tê xistin, dewam dike.

Ji meha Tîrmehê ve daristanên Şirnexê bi rêk û pêk têne şewitandin. Herî dawî daristana li nêzî gundê Cifaneyê hate şewitandin ku li Cûdî ye û bi 8 kîlometreyan dûrî navendê ye. Şewata ku doh serê sibehê destpê kir berfireh û mezin dibe.

Qada ku weke Çala Guza tê naskirin, weke herêma baregeha leşkerî hatiye ragihandin. Ketin û derketina ji vê herêmê jî tenê bi destûrê tê kirin. Tîmên arkujî û şaredariyê nikarin xwe bigihînin herêmê û şewatê vemirînin.