Serokê Parlementoya Iraqê Mûhammed Halbûsî yê ku du serdeman li ser hev serokatiya parlementoyê kiribû, ragihand ku wî ji peywira xwe îstîfa kiriye.

Wê parlementoya Iraqê roja Çarşemê kom bibe û diyar kirin wê îstîfaya Halbûsî bidin ber dengdanê.

Piştî protestoyên ji 29’ê Tebaxê û vir ve wê rûniştina pêşîn a parlementoyê pêk were.

Halbûsî yê ku tifaqeke mezin a tevgera Sadr e di hevsengên siyasî de xwedî rolekî girîng e.

Li Iraqê aloziyeke siyasî heye. Baronên siyasetê ji Cotmeha 2021’an û vir de ji bo kesê ku wê bibe serokwezîr û awayê wî yê hilbijartinê di şer de ne.

Parlementoyê herî dawîn di 23’ê Tîrmehê de rûniştina xwe kiribû. Çend roj şûnde sempatîzanên Muktada Sadr ê ku serokê Şîîyan e, parlemento dagir kiribûn û bi qasî mehekê li hewşa parlementoyê rûniştibûn.

Di dawiya meha Tebaxê de jî di navbera alîgirên Sadr û milîsên Haşdî Şabî yên ku alîgirên Îranê ne, şer çêbûbû. Di van şeran de nêzî 30 alîgirên Sadrê hatibûn kuştin.

Li gorî pisporên siyasî Halbûsî naxwaze îstîfa bike û tê diyarkirin armanca Halbûsî ev e ku piştgiriya ku ji bo wî tê dayîn piştrast û eşkere bike. Bi gotineke din ew dixwaze bawerî û piştgiriya ji bo xwe nû bike.