Yek ji van anketan ji aliyê şîrketa Elabe ve ji bo rojnameya Le Echos û Radîa Classîqûe ve hat kirin. Ji sedî 27 ê beşdarên anketê dan xuyakirin, ku ew ê di tûra yekemîn de dengê xwe bidin namzeta rastgir a tund Marîne Le Pen. Dengê Le Pen li gorî mehek beriya niha di heman rêjeyê de ye. Dengê Emmanûnel Macron ku berê xwe daye hilbijêrên çep a navendî û rastgiran, bi pûanekî zêde bû û gihîşt ji sedî 24'an.

Li gorî encamên anketê, rêjeya dengê Serokwezîrê serdema Nîcolas Sarkozy Françoîs Fîllon ji sedî 19 ye û şensê Fîllon kêm e ku ji tûra duyemîn re bimîne.

Di anketa Elabe de hat destnîşankirin, ku rêjeya dengê nûnerê çep ê Partiya Sosyalîst Benoît Hamon ku polîtîkayên Françoîs Hollande red kiribû, ji sedî 12,5 e. Jean-Lûc Mêlenchon jî, ku bi bernameya xwe ya çep a radîkal balê dikişîne, ji sedî 12,5 e. Beriya niha li Hamon û Mêlenchon ku bernameyên wan nêzî hev in, hatibû kirin lê belê ti encam derneketibû holê.

Li gorî anketê, Emmanûel Macron ê ji tûra duyemîn re bimîne, wê bi rêjeya ji sedî 62'an li hemberî namzeta rastgiriya tund Marîne Le Pen bi ser bikeve û bibe Serokkomar.