NY’ê hişyarî kir ku ji ber şer, rewşên lezgîn a avhewayê û krîzên ekonomîk, sala 2024’an wê bi tengaviyê derbas bibe.

Her çendî ku rojev Xeze jî be, NY’ê bal kişand ku herêmên mîna Rojhilata Navîn, Sûdan û Efganistan ji operasyonên alîkariyê yên navneteweyî yên mezin sûd dibîne.

Şefê alîkariya mirovî ya NY’ê Martin Griffiths wiha got: “Wezîfedarên alîkariya mirov jiyanê rizgar dikin, bi birçîtiyê re têdikoşin, zarokan diparêzin, nexweşiyên şewbê asteng dikin û di rewşên herî dermirovî de paqijiyê pêk tînin. Lê alîkariya ku ji civaka navneteweyî tê, bi rêjeya pêdiviyan re heman nîne.”

Neteweyên Yekbûyî ji bo sala 2023’an banga alîkariyê ya 57,7 milyar dolarî kiribû, lê encex ji sedî 35’ê vê mîktarê wergirtibû. Saziyên NY’ê alîkarî dabû 128 milyon mirovan.

Griffiths got, “Eger em vê alîkariyê wernegirin, wê gelek mirov jiyana xwe ji dest bidin.”

Banga alîkariyê armanc dike ku operasyonên li 72 welatan fînanse bike û armanca sereke welatên mîna Sûriye, Ûkrayna, Efganistan, Etîyopa û Yemen e.

Rojhilata Navîn û Efrîqaya Bakur weke herêmên sereke ya banga vê alîkariyê hatin diyarkirin.

Griffiths destnîşan kir ku pêdiviyên ji ber guherîna avhewayê jî her ku diçe girîng dibe.