Li Tokyoyê şofêrê ku bi zanebûn kevokek kuşt, hate girtin
Li Tokyoya paytexta Japonyayê şofêrekî ji ber ku kevokek bi zanebûn kuşt, hate girtin.
Li Tokyoya paytexta Japonyayê şofêrekî ji ber ku kevokek bi zanebûn kuşt, hate girtin.
Berdevkê polêsan ê Tokyoyê ji AFP’ê re axivî û ev yek anîn ziman: "Şofêrê 50 salî yê wesayita xwe ji bo kevokekê bikuje bi kar anî, roja Yekşemê hat girtin." Û berdevkê polêsan got: "Ev ne lîstikek e."
Li gorî medyaya herêmî, meha bihurî jî heman şofêrî li xaçerêyekê ji nişka ve leza xwe zêde kiriye û berê wesayita xwe rasterast daye li ser refeke kevokan.
Dengê motora wesayitê welatiyekî ku ji wir derbas dibû tirsandiye û ev bûyer ji polêsan re ragihandibû.
Polêsên Tokyoyê bi awayekî cidî nêzî bûyerê bûn û kevoka ji hêla şofêrî ve hatî kuştin ji bo otopsiyê birin veterînerekî.
Li gorî medyaya herêmî, şofêrî li hemberî mifetîşan xwe wiha parastiye: "Rê aîdî mirovan e, ji ber vê hewce bû kevokan xwe li ser rê bidana paş."