Êrîş li dijî dêran hate kirin. Di heman demê de li oteleke nêzî paytextê jî teqînek pêk hat. Li taxa Orûgodawattê ya Colomboyê jî êrîşeke xwekuj hate kirin û 3 polîs mirin. Polîsan diyar kirin ku kesên xwekuj herî kêm tevlî du êrîşan bûne.

Li gorî bîlançoya nû 207 kes mirine û bi sedan kes birîndar bûne.

Wezareta Parastinê jî heta demeke ne diyar qedexeya derketina derve ragihand. Wê rojên Duşem û Sêşemê jî dibistan girtî bin.

Hê kesî êrîş li xwe negirtiye. Ev êrîş bi awayekî koordîne hatiye kirin.

Hate diyarkirin ku li paytextê di malekê de 7 kesên gumanbar hatine destgîrkirin.