Li Siûdî Erebistanê înfazên dawî, roja Yekşemê qewimîn. Li gorî ajansa SPA’yê, du li Tabûkê, yek li Riyadê û yên din jî li Cezaneyê bi giştî 4 Siûdiyên hikûmxwarî hatin îdamkirin.

Di tevahiya sala 2023’an de herî kêm 170 kes hatin îdamkirin. Hat ragihandin ku di nav van de 33 kesên “tevlî terorîzmê bûne” û du leşkerên ku ji ber “xiyaneta li welêt” hikûm xwarîn, hene.

Li gorî rêxistinên mafên mirovan, Siûdî Erebistan bi Çîn û Îranê re, di nava sê welatên despêkê yên ku herî zêde îdam lê tên kirin de ye.