Ji bo gerîlayê HPG’ê Zinar Ronî yê ku di 11’ê Îlonê de li navçeya Qilebanê ya Şirnexê şehîd bûbû, şîn hate dayîn û bibîranîn hate lidarxistin.

Ji aliyê apê wî Ahmet û birayê wî Mehmet Oger şîn hate gerandin.

Sûltan Oger li ser navê malbatê axivî û diyar kir ku Ronî di malbateke welatparêz de ji dayîk bûye û di têkoşîna azadiyê de cihê xwe girtiye.

Li ser navê Saziya Malbatên Şehîdan Bavê Hesen jî diyar kir ku PKK’ê gelek dijwarî derbas kiriye û got, “Em dixwazin Kurd bibin yek, armanc û hêviya me yekîtî ye.”

Birayê Ronî Mehmet Oger jî got ku, “Ez ne li bendê bûm ku Zekî tevlî nav refan bibe. Zekî zêde nediaxivî û her tim difikirî.”

Piştî axaftina Nîhat Teke yê ku hevalê Ronî ye, bibîranîn bi dawî bû.