Li gorî raporekê ku sala 2019'an di dema Forûma Aboriyê ya Cîhanê de hate weşandin, Japonya di mijara wekheviya jin-mêr de li nava 153 welatan di rêza 131'ê de bû. Di vê raporê de asta jinan a li şîrket, siyaset û saziyên cemaweriyê hatibû nirxandin.

Li gorî daneyên hikumeta Japonyayê, para jinan a li van qadan tenê ji sedî 14.8 e. Li vê civaka ku bi kevneşopiyên baviksalariyê tê naskirin, pêkhatina armanca ji bo kotaya jinan a ji sedî 30'î, ku sala 2003'an hatibû diyarkirin, gelekî zehmet xuya dike.

Balkêş e ku armanca ji sedî 30'î ya ku ji aliyê Serokwezîr Yoşîhîde Sûga ve hate qebûlkirin, careke din hate taloqkirin. Li gorî plana nû ya hikumetê ku ji bo 5 salan amade kir, tê xwestin ku ev armanc di nava 10 salan de bi cih bê anîn.

Projeya ji bo wekheviya jin û mêr kuk hikumet bi xemsarî tevdigere, bi vî rengî ji bo demeke nediyar ve hate taloqkirin. Lê belê li gorî lêkolînan, civaka Japon hîn bêhtir wekheviya jin û mêr dixwaze û alîgirê wê yekê ye ku ev wekhevî li nava şîrketan, siyasetê û saziyên cemaweriyê bi cih bê anîn.