Li Hindistanê di kombûna olî de mirovan pê li hev kir: Herî kêm 6 kes mirin
Li eyaleta Andhra Pradesh a li başûrê Hindistanê di dema kombûneke olî ya Hindû de mirovan pê li hev kir. Herî kêm 6 kes mirin, gelek kes birîndar bûn.
Li Tirupati ya Hindistanê ku cihekî hecê yê Hindû ye, bi hezaran kes roja Çarşemê ji bo komkirina fîşên ketina kombûna li perestgeha Sri Venkateswara Swamy lezandin û pê li hev kirin.
Berdevkê Partiya Telugu Dema a li eyaletê desthiladar daxuyanî da rojnamevanan û got, "Di vê bûyerê de 6 kesan jiyana xwe ji dest dan."
Li Hindistanê kombûnên olî ji ber nebûna tedbîrên têrker ên ewlekariyê dibin sedema karesatên giran.
Tîrmeha derbasbûyî li eyaleta Uttar Pradeshê di festîvaleke Hindû de herî kêm 121 kesan jiyana xwe ji dest dabûn.
