Wezîrê Karên Navxweyî Gerard Collomb bi rayedarên ewlehiyê û îstîxbaratê re civîn danî û got, "Êrîşa li ser Manchesterê nîşan dide ku tehdîda li ser hemû welatên parzemîna me pir zêde ye."

Wezîr diyar kir, ku ji bo hin bernameyên çandî û sporê ferman dane.

Collomd her wiha got, wan ji bo ewlehiyê ferman ji hemû waliyan re jî şandine.

Wezîr Collomb ragihand, ku li her derê hêzên ewlehiyê tevgeriyane û got, "Li balafirgehên me hêzeke xurt a ewlehiyê heye. Em ê qet destûrê nedin terorîzmê."

Li Fransayê ji sala 2015'an û vir ve piranî jê bi destê DAIŞ'ê gelek çalakî hatin kirin û bi tevahî 239 kes hatin kuştin. Rayedarên Fransî diyar dikin, ku di sala 2016'an de pêşî li 17 hewldanên êrîşê hatiye girtin.