Li dijî sîstema teqawîtiyê ku hikumet dixwaze bi rengekî ku li xebatkaran nayê sererast bike, xebatkarên şîrketa rêyên hesinî ya neteweyî SNCF û şîrketa veguhêziya giştî ya li Parîsê û derdora wê RATP bûye 20 roj in di grevê de ne. Grevê di Cejna Noelê de jî dewam kir. Li gelek bajarên mezin xebatkarên otobus û tramvayan wê beşdarî grevê bibin.

Li gorî daxuyaniya SNCF'ê, li gelemperiya Fransayê tenê 20 ji sedî yên seferên trena bi lez TGV û seferên trenên herêmî (TER) jî tenê 30 ji sedî dikarin pêk werin.