Koalîsyona Navnetewî ya li dijî DAÎŞ’ê ya bi pêşengiya DYE’ ji 79 endaman pêk tê. Ji van 75 yê welatan û 4 jî ji rêxistinên piralî pêk tê.

Di daxuyaniya roja Sêşemê ya ji aliyê Wezareta Karê Derve ya DYE’yê de hate gotin; “Washîngton dixwaze têkildarî têkçûna DAÎŞ’ê ya li xakên lê desthilatdar û qonaxa biryardayinê bi kûrahî nîqaş bike.”

Wiha jî hate gotin; “Wezîrên welatên endam dibin serokatiya Wezîrê Karê Derve Mîke Pompeo de ‘bi armanca ku carek din DAÎŞ li herêma bi ewle û îstîkrar a Iraq û Sûriyeyê asteng bike, pêvajoya piştî wê bigirin dest’.”

WÊ HERÊMA BI TAMPON WERE NÎQAŞKIRIN

Tê payîn ku di civînê de herêma bi tampon a li sînorê Rojava were rojevê. Trûmp 13’ê Çileyê bal kişand ser dagirkeriya mihtemal a dewleta Tirk û banga avakirina ‘Herêma biewle’ ya berfirehiya 30 kîlometreyî kiribû. Tirkiye jî xwedî li vê daxuyaniyê derket û daxwaza herêmeke bi tampon ya di bin kontrola xwe de kiribû. Lê Kurd hemû hewldanên dibin kontrola rejîma Tirk de red dikin.

FRANSA: DIVÊ JI BO KURDAN RÊZ WERE GIRTIN

Wezîrê Karê Derve yê Fransayê Jean-Yves le Drîan di daxuyaniya 23’ê Çileyê de têkildarî mijara herêma bi tampo got pirsyar hene û wê di civîna 6’ê Sibatê de nîqaş bikin. Wezîrê Karê Derve yê Fransê Jean-Yves le Drîan got; “Divê îro û sibê jî ji bo Kurdan rêz were girtin.”