Hikumeta koalîsyonê ku ji Tevgera 5 Stêrk (M5) a dijberê Yekîtiya Ewropayê û Lîga Bakur (Lega Nord) a rastgiriya tund pêk tê, ji aliyê Senatoyê ve hate pejirandin.

Hikumeta koalîsyonê bi serokwezîrtiya profesorê hiqûqê Giuseppe Conte ava bû. Eşkere bû ku hikumeta nû, di serî de aborî û têkiliyên bi Rûsyayê re wê di polîtîkaya derve de berevajî Yekîtiya Ewropayê tevbigere.

Conte li parlamentê di axaftina xwe de diyar kir ku ew alîgirin 'têkiliya bi îmtiyaz' a bi Dewletên Yekbûyî yên Amerîkayê re bidome.

Conte berevajî polîtîkaya giştî ya Yekîtiya Ewropayê, destnîşan kir ku divê pêkanînên aboriyê yên li ser Rûsyayê bên revîzekirin û alîgirê wê yekê ne ku li Moskowayê vebin.

Conte di dewama axaftina xwe de anî ziman ku wê ji lêçûnên budçeyê tawîzê nedin û ji bo deynên gelemperiyê ku 131,5 ê ji sedî yê hatineya milî ya Îtalyayê ye, dikarin bên birêvebirin.

Conte îdîa kir ku bi sîstemeke nû û 'wekhev' a bacê, wê aboriyê mezin bikin.

Giusseppe Conte li ser polîtîkaya teserûfê ku Yekîtiya Ewropa timî li ser hikumetê ferz dike, wê vê yekê nekin. Tê texmînkirin ku sozên hikumetê dane, bi 100-120 milyar Euroyî bibe barekî nû ji budçeyê re.

Yek ji sozên ku hikumeta koalîsyonê daye û gelekî bûye mijara nîqaşan, helwesta tund a li dijî koçberan e. Conte îdîa kir ku hikumeta wan 'nîjadperest' nîne, lê welatê wan nikare bi tena serê xwe pirsgirêka koçberan a welatên Ewroayê hilgire.